ترحيب خاص (سلام كبير اوي لكل قمرات المنتدى)

السلام عليكم ورحمة الله وبركاته

اولا احب ارحب بجميع عضوات المنتدى واقولكم بجد انتو نورتو المنتدى
وان شاء الله تستفيدو معانا وتعجبكم مواضيعنا
واتمنى ان كل وحده فيكم تشارك معانا على قد ماتقدر ولو بحاجة صغيرة
يعني رد او موضوع سواء منقول او من دماغك
يعني ممكن مثلا واحده تكون جربت اكله وعجبتها تعرفنا
واحده جربت ماسك للبشرة او كريم مثلا تحكيلنا عنه
وصفه للشعر تعرفيها تعالي نتناقش فيها
وهكذا
عندك موضوع عن برامج الجوال او الكمبيوتر
عندك معلومات عن النت
معلومه دينيه
عندك مشكله
عندك اي نصيحة للمتزوجات

او للمخطوبات
اوعدنا يارب
اكتبيها ينوبك فينا ثواب
يعني اي موضوع وخلاص
اي حاجة فاي حاجة تحبي تتكلمي فيها اكتبي وميهمكيش
بس دا طبعا بشرط التقيد بتعاليم ديننا الاسلامي لو مسلمه
لو مش مسلمه يبقى نتكلم الكلام اللي يرضي اي دين سماوي ويرضي الاخلاقيات العامه
طبعا الاديان السماويه كلها بتدعو الى الفضائل وحسن الخلق
هتلتزمي بكل دا يبقى اكتبي اي حاجة وميهمكيش

المنتدى مليان اقسام ممكن نتكلم فيها عن اي حاجة
واي واحده عندها اي شكوى او اقتراحات ممكن تكتب موضوع في الاقسام المخصصه
زي قسم الشكاوي
وقسم الاقتراحات

يعني ممكن لو عندك اقتراح انك تعملي قسم معين شايفه ان المنتدى محتاجة
عاوزه تشيلي قسم مش عاجبك
ناقشينا في اقتراحك دا

الحقيقه كان المفروض اكتب الموضوع دا من زمان بس طبعا مكانش في اعضاء في المنتدى
بس دلوقت الحمد لله في عدد لا بأس به وان شاء الله كل يوم يزيد اكتر

المهم بقى في الموضوع يابنات

وياريت يابنات اي بنت تلاحظ بيننا اي عضو راجل ياريت تبلغني اما في رساله خاصه او عن طريق كتابة موضوع في قسم الشكاوي ضروووري
علشان انا مش ملاحقه بصراحة لاني طبعا بدرس وعندي اختبارات علشان كدا مشغوله
بس على قد مااقدر هتابع المنتدى اول باول ان شاء الله

القسم دا عملته طبعا علشان كلنا نتعرف على بعضنا ونبقى اسرة واحده
علشان بعد كدا نقدر نشارك بعض في مشاكلنا عن طريق قسم الفضفضه
ومش بس مشاكلنا كمان ممكن نشارك بعضنا فرحتنا ومناسباتنا والذي منه
فياريت منهملش قسم الترحيب والاجتماعيات لانه قسم اكيد مهم
يعني اكيد انا احب اتعرف عليكم
ياللا ياريت كل عضوة تشارك معانا
في انتظار مشاركاتكم ياقمرات