طريقة عمل بطاطس جراتان مع الفيليه

المقادير:
8ثمرات بطاطس
1/2ك جبنة جروبيرمقطعة لشرائح
2 معلقة كبيرة جبنة بارميجان مبشورة
لتر لبن
كريمة لبانى
معلقة كبيرة دقيق
معلقة ثوم مفروم
1ك لحم فيليه مقطع بسمك 1.5سم
ملح وفلفل اسود
زبدة
تحضير البطاطس:
-يحمر الثوم بمعلقتين زيت فى طاسة حتى يدبل لونه ويتم اضافة اللبن وشوية ملح وفلفل ويقلب على نار هادئه ويترك ليغلى
-ثم تضاف البطاطس مقشرة ومقطعة دوائر سميكة لتستوى نصف سوى
-بعد ان تستوى البطاطس يتم تصفيتها من اللبن وترص نصفها فى قالب مدهون
زبدة ثم تضاف شرائح الجروبير فى النصف وتوضع النصف الاخر من البطاطس
-بعد ذلك نصب الكريمة اللبانى ثم ترش البارميجان على الوجه ويتم تغطيتها
بورق الفويل وتدخل الفرن درجة حرارة متوسطة لمدة نصف ساعة ثم نرفع الغطاء
ويتم تهدئة الفرن حتى تستوى
تحضير الفيليه:
-يوضع شوية ملح وفلفل فى طاسة بها معلقتين زيت وتضاف اللحم للتشويح (حتى يغمق لونها) وتقلب ويرش شوية فلفل
-بعد رفع اللحمة من الزيت توضع قطعة زبدة صغيرة بنفس الطاسة وتحمرى فيها
الدقيق حتى يغمق لونه ثم تضاف كوب ماء ويقلب وتوضع الكريمة اللبانى وملح
ويقلب
-بعد ان تسخن الكريمة توضع اللحمة لتستوى (اثناء السوى تتشرب اللحمة من الكريمة وتقل الى النصف تقريبا)
-بعد ان تستوى اللحمة ترص فى طبق التقديم ويرش عليها صوص الكريمة (اللى استوت فيها)
-وتقدم مع البطاطس الجراتان وبالف هنا ليكى ولاسرتك