اكله للاطفال سريعة وسهله وطعمها يجنن جربوها

السلام عليكم ورحمه الله

انا عضوه جديدهودى اول مشاركه ليه اتمنى تعجبكو؛ وهيا عباره عن مكرونه ايطالى فرنسى.
المكونات:

1- كيلو ونص مكرونه حلزونى معرفه طبعا.
2- 6 قطع جبنه كيرى.
3- نص بصله .
4- 3 ف ثوم.
5- ربع مشروم فريش.
6- بقدونس .
7- زيت زيتون.
الطريقه يا حلوين :

تسلق المكرونه فى مياه ساخنه ويضاف قليل من الملح وقليل من الزيت العادى ، وبعدين تجيبى طاسه او كزاروله يضاف زيت الزيتون نص فنجان بسسس مش اكتر وبعد كدا يضاف البصل والثوم مفرومين لغاية ما يدبل البصل والثوم وتحطى بعد كدا المشروم مكعبات او حلقات حسب الرغبه لغاية ما المشروم يدبل وميتو تنزل وبعدين تحطى الجبنه تسبيها تسيح وتحطى شوية بقدونس متقطع صغيروبعد كدا تحطى المكرونه بعد ما تتصفى طبعا ؛ بعد كدا تقلبيها كويس يعنى كل المكونات تتخلط مع بعض .
ملحوظه: وانتى بتقلبيها هتلاقيها بقا شكلها كريمى شويه علشان الجبنه كدا تعرفى انها بقت تماااااام .
وبالهنى والشفا والعافيه على اطفالكو . (بجد مفيده اوى للاطفال) يا ترا هتسقفولى ولا هتتضربونى .....